Il sît AMMER
AMMER, Archivi Multimediâl de Memorie de Emigrazion Regjonâl, al è un archivi digjitâl che al met adun fotografiis, documents di cjarte e intervistis regjistradis dai protagoniscj de emigrazion dal Friûl - Vignesie Julie. AMMER al è stât screât tal 2006 cuntun prin grup di 100 intervistis e 5000 fotografiis, cjapadis sù in Argjentine e in Uruguay. Vie pai agns la ricercje e je stade slargjade, a man a man, a ducj i Paîs dulà che a son lâts i flus migratoris de regjon. Lis tapis sucessivis a àn rivuardât Canadà, Australie, Stâts Unîts di Americhe, Venezuela e, in Europe, France, Gjermanie, Svuizare e Belgjiche. La ricercje e va indenant in Brasîl, Sud Afriche, Europe nordorientâl e orientâl. AMMER al è stât progjetât par jessi costruît cun formis di gjestion partecipade. I emigrâts, lis lôr fameis e i lôr dissendents a son cjapâts dentri in maniere direte, tant che testimonis e fornidôrs de documentazion e tal stes timp tant che utents des informazions, insiemi cui studiôs e cun ducj i interessâts.

approfondisci

Storie de emigrazion regionâl


Gian Carlo Bertuzzi

La emigrazion ise un destin, une condane par cui che al è nassût in puescj dulà che la nature e ufrìs dome miserie? La emigrazion ise une sielte coragjose di cui che al vûl “cirî fortune” e miorâ la sô situazion personâl e chê de sô famee? Fasie forsit part di un sisteme economic e sociâl che le prodûs, ma che jê stesse, dopo, e va a sostignî? La emigrazion puedie puartâ benstâ a cui che al partìs e a cui che al reste? O puartie dome degrât sociâl, culturâl, economic e demografic tai lûcs di partence? O dutis dôs lis robis insieme?
Provìn a viodilu, dal pont di viste storic, tal câs dal Friûl - Vignesie Julie.

approfondisci
Il sît Emigrazion dal Friûl - Vignesie Julie, Coregjonâi tal Mont
Al tire adun informazions e dâts, temis e problematichis su la emigrazion regjonâl. Visitantlu si puedin cjatâ documents su lis politichis regjonâls tal setôr (Progjets, iniziativis, events, associazions), su lis leçs che a rivuardin i emigrâts e i lôr dirits (citadinance, vôt, istruzion, assistence sanitarie, pension), su la storie e su la statistiche dal fenomen migratori regjonâl (storie e memorie, bancje dâts multimedia, domande lis publicazions, dâts AIRE), su la realtât regjonâl e i siei rapuarts cui citadins residents tal forest (WEB TV, gnovis in evidence, televideo). Il sît al è a disposizion par dutis lis domandis di altris informazions (domandii al espert) e pal contribût di ducj (scrîf al espert, mande la tô storie)

approfondisci
PAESI



Ricerca


i nons

 cui ce cuant indulà

 lis intervistis

lis mapis

la linie dal timp

i viaçs

 lis storiis

storie


Conte une storie di emigrazion
Scrîf culì la tô storie o chê di un parint, di un amì, di une persone che tu cognossis. Tu puedis zontâ fotografiis,  altris documents, files multimediâi, leile tal AMMER e fasile cognossi insieme cun altris.




AIRE Anagrafe degli Italiani Residenti all'Estero
I dâts statistics dai citadins dal Friûl – Vignesie Julie residents tal forest, dividûts par Provincie, par ATO (Ambits Teritoriâl Otimâi), par comun, par continent e paîs di destinazion, a son inzornâs al mês di Jugn dal 2006.

va tal sito