Furio Bednarz

Chel de emigrazion furlane al è un fenomen antîc, che al va indaûr ae fin dal secul decim sest cuant che lis partencis pai paîs vicinants o ancje pai teritoris plui lontans de Europe centrâl a jerin temporaniis. Dut câs, al è tor de metât dal Votcent che lis partencis a interessin un numar grant di personis, e di chel moment, la Svuizare e devente une des destinazions plui interessantis pai emigrants furlans. Te ondade migratorie dal secont dopovuere e à une funzion determinante. Plui indevant, tra i agns ’70 e ’80, e scomence la inversion dai flus migratoris.