|
indietro
L'emigrazione dal Friuli Venezia Giulia al Venezuela
Francesco Fait
Rispiet a altris destinazions transoceanichis, la emigrazion europeane pal Venezuela e devente un fenomen impuartant dome tal secont dopovuere. Dai agns Setante dal Votcent ae fin de seconde vuere mondiâl, la emigrazion taliane e je presinte ma no massive.
A son segns di une partecipazion di furlans a cheste emigrazion, ma nuie che al rivuardi i julians. Dut al cambie scomençant dal bieni 1947 – 1948, in gracie des politichis migratoriis dai guviers venezuelans de Zonte Militâr, in cjarie tra i 25 di Novembar dal 1948 e i 2 di Dicembar dal 1952, e dal gjenerâl Marcos Pérez Jiménez che al è stât al podê fin ai 23 di Zenâr dal 1958. Chest, lant daûr de dutrine dal “Nuevo Ideal Nacional” ispirât di un model tecnocratic e progressist che si basave sul esercizi autoritari dal podê, al à inviât il disvilup de rêt viarie e de edilizie publiche. Cheste politiche e compuartave impats demografics impuartants che si son concretizâts intun sostegn fuart ae imigrazion, miôr se de Spagne, dal Portugal e de Italie. Par ce che al rivuarde la migrazion, e je stade metude in vore la politiche des “puartis viertis” cul fin di fâ cressi la popolazion par industrializâ e urbanizâ il paîs e modernizâ e aumentâ la produzion agricule di sussistence. La partecipazion e la funzion di furlans e julians te emigrazion in Venezuela dopo de seconde vuere a son dal sigûr impuartantis, ma a àn ancjemò di jessi analizadis, stant che fin cumò chest argoment nol à interessât cetant i studiôs dal setôr.
fai clic per leggere tutto il documento
|
|
i nons cui ce cuant indulà
|
Conte une storie di emigrazion Scrîf culì la tô storie o chê di un parint, di un amì, di une persone che tu cognossis. Tu puedis zontâ fotografiis, altris documents, files multimediâi, leile tal AMMER e fasile cognossi insieme cun altris.
|
|